Çərşənbə , Fevral 1 2023
azfa

Trampın gedişi ərəfəsində İranın nüvə obyektlərinin müdafiəsini gücləndirdiyi bildirilir

GADTB-nin Mətbuat Mərkəzinə daxil olan məlumata görə, İran hazırkı prezident Donald Trampın Ağ Evdən ayrılmazdan əvvəl ABŞ-ın ehtimal olunan raket zərbələrinə qarşı qabaqlayıcı tədbir olaraq nüvə obyektləri ətrafında hava hücumundan müdafiə sistemlərini gücləndirib.

Bu sözləri Küveytin “Al Qabas” qəzeti İran İslam Respublikasındakı “məlumatlı mənbələrə” istinadən yazıb.

“İran ABŞ-la yaşanan gərginlik fonunda və prezident Tramp Ağ Evdən ayrılmazdan əvvəl baş verə biləcək hərbi xarakterli hər hansı qəfil hücumu qabaqlamaq üçün ehtiyat tədbiri kimi nüvə obyektləri yaxınlığında hava müdafiəsini gücləndirir”, – deyə məlumatda qeyd olunub.

Bildirilir ki, İranın terrorçu SEPAH-ı aerokosmik qüvvələrinin zenit kompleksləri və radiolokasiya sistemləri sözügedən obyektlərin qorunmasında yaxından iştirak edir.

“İranın nüvə proqramı üçün həyati əhəmiyyət daşıyan bu obyektlərdə uranın zənginləşdirilməsi prosesini pozmağa yönəlmiş mümkün raket zərbəsinin qarşısını almaq üçün mövcud olan bütün zenit potensialından istifadə olunur”, – deyə nəşr əlavə edib.

Məlumata görə, Fordodakı nüvə obyekləri yaxınlığında “Bavar-373” və “Kub” böyük radiuslu zenit-raket sistemləri yerləşdirilib.

Həmçinin yoxlayın

Sayın Mikayil bəy Oytanın Azərbaycana səfirliyinə terror hücumu barədə bildirişi Avstraliyada “Türkish News Press”de dərc edilib-Şəkil

GADTB-nin Mətbuat Mərkəzinə daxil olan məlumata görə, Azərbaycan-Avstraliya Assosiyasiyası Prezidenti, GADTB Beynəlxalq Əlaqələr Departamentinin sədri …

Bakıda İranın casus şəbəkəsinə qarşı əməliyyat keçirildi

Bu gün Bakıda İranın casus şəbəkəsinə qarşı xüsusi əməliyyat keçirilib. Azərbaycanın DİN tərəfindən SalamNews informasiya …

Bir cavab yazın