GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “Global Journalism Council” təşkilatının Beynəlxalq məsələlər üzrə sədr müavini Elşad Eyvazlı deyib ki, türk dünyasının ortaq televiziyası yaradılacaq.
O, televiziyanın yaxın vaxtlarda fəaliyyətə başlayacağını bildirib.
Elşad Eyvazlının sözlərinə görə, bununla bağlı Türk ölkələrinin jurnalistləri ilə müzakirələr aparılıb.
Eyvazlı deyib: “İlkin olaraq Türkiyə, Azərbaycan, Qazaxıstan, Özbəkistan, Qırğızıstan və Türkmənistanda nümayəndiliklər yaradılacaq. Fəaliyyət istiqamətində siyasi məsələlər olmayacaq”.
Televiziyaya kimin rəhbərlik edəcəyinə gəlincə, müsahibimiz deyib ki, bu məsələlər ona həvalə olunub.
