GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri PKK ilə mübarizə tədbirləri çərçivəsində ölkə daxilində və xaricində yeni əməliyyatlara hazırlaşır.
Məlumata görə, İğdırın Aralıq mahalında jandarma qüvvələrinin və sərhədin digər tərəfində əsgərlərin əməliyyatları PKK-nın maliyyə mənbələrinin aradan qaldırılmasına hesablanıb. Narkotik ticarəti və qaçaqmalçılıqdan maliyyələşən PKK-ya ən böyük zərbənin isə Qəndildə vurulması planlaşdırılır.
Bu çərçivədə İraq mərkəzi hökuməti ilə Türkiyə tərəfi arasında danışıqlar intensivləşdirilib. Türk xüsusi təyinatlılarının tezliklə Qəndilə sarsıdıcı zərbə vurmağa hazırlaşdığı qeyd olunub.
