Türkiyə  “Hurjet”in “F-35″i geridə qoyacağını deyir

GADTB-nin Mətbuat Mərkəzinə daxil olan məlumata görə, Türkiyənin hazırladığı yüngül hücum təyyarəsi “Hurjet” performans xüsusiyyətlərinə görə Amerikanın beşinci nəsil “F-35” qırıcısını geridə qoyacaq.

Bu bəyanatla ölkənin müdafiə sənayesi idarəsinin rəisi İsmayıl Dəmir çıxış edib.

“Yüngül hücum təyyarəmiz “Hurjet” gələn il ilk uçuşunu edəcək. Qırıcımız “F-35″dən daha təkmil xüsusiyyətlərə malikdir. Təyyarə gələn il martın 18-də anqardan çıxarılacaq”, – deyə Star qəzeti onun sözlərinə sitat gətirib.

Nazir, türk hücum təyyarəsinin Amerikanın beşinci nəsil qırıcı-bombardmançısını tam olaraq hansı xüsusiyyətləri ilə üstələyəcəyini izah etməyib.

“Hurjet” Türkiyənin “Hürkuş” təlim-məşq təyyarələrinin reaktiv versiyasıdır. O, 2017-ci ildən Türkiyənin aerokosmik şirkəti TAI (Turkish Aerospace Industries) tərəfindən hazırlanıb. “Hurjet” 13,7 min metrə qədər yüksəklikdə uçacaq və üç min kq-a qədər faydalı yük daşıyacaq. Əvvəllər hücum təyyarəsinin ilk uçuşunun 2022-ci ildə baş tutacağı gözlənilirdi, lakin sonra 2023-cü ilə təxirə salınıb.