GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Türkiyə Silahlı Qüvvələri Cinderesin yaxınlığındakı Mahmudiyə kəndini terrorçulardan təmizləyib. Ordu həmçinin Amara təpəsinə nəzarəti də ələ keçirib.
Hazırda türk hərbçilərinin və Azad Suriya Ordusunun Afrinə doğru xeyli irəlilədiyi bildirilir.
Bu arada Türkiyə isə ABŞ-a mesaj göndərərək, sizə inanmırıq, Menbiçə girirəcəyik deyib. Türkiyə Xarici İşlər naziri Mövlud Çavuşoğlu deyib: Bizim ABŞ-dan gözləntilərimiz bəllidir. Artıq vəd yox, konkret addımların atılmasını istəyirik.
“ABŞ bizə verdiyi sözləri tutmadı. Sözünün üstündə durmayan bir ölkəyə necə güvənəcəyik? ABŞ-la əlaqələr ya düzələcək, ya da tamamilə qopacaq. Rəsmi Vaşinqton Menbiçdə lazımı addımları atmasa, biz atacağıq”, – Çavuşoğlu bildirib.
Qeyd edək ki, Çavuşoğlu bundan öncəki açıqlamasında eyni mesajları versə də, konkret hədəf göstərməmişdi.
