Türkiyədən neft tankerlərinə hücumu pislədi

GADTB-nin Mətbuat Mərkəzinə daxil olan məlumata görə, Türkiyə Xarici İşlər Nazirliyi bəyanatla bildirib ki, Oman körfəzində tankerlərə edilən hücumu qınayırıq.

“Son bir ay ərzində körfəz bölgəsində ticarət gəmilərinin ikinci dəfə hədəfə alınmasından dolayı narahatıq”, – XİN-in bəyanatında bildirilib.

Qeyd edək ki, ötən gün Oman körfəzində “Front Altair” və “Kokuka Courageous” adlı iki neft tankerinə hücum olub. Bəzi məlumatlara görə, gəmilərdə baş verən partlayışlar və yanğının səbəbi torpeda hücumudur. Ancaq bu versiya hələlik rəsmi təsdiqini tapmayıb.