GADTB Güney Azərbaycan Demokratik Türk Birliyi
GADTB: Güney Azərbaycanın Urmiya gölünün adalarında həyat canlanıb. Köçəri və yerli quşlar gölün üzərindən uçaraq bataqlıqların kənarlarına qonur və bu unikal ekosistemin həyat dövrünün bir hissəsini təşkil edir.
Urmiya gölü bölgənin ən mühüm hiperduzlu ekosistemlərindən biri olmaqla yanaşı, beynəlxalq əhəmiyyətli bataqlıq ərazisi hesab olunur. Suyun yüksək duzluluğu burada məhdud sayda orqanizmin yaşamasına imkan versə də, həmin orqanizmlər bir çox quş növü üçün mühüm qida mənbəyidir.
Bu canlılar arasında artemiya, yəni Urmiya gölünün duzlu karidesi xüsusi əhəmiyyət daşıyır. Artemiyanın populyasiyası və vəziyyəti göldəki duzluluq səviyyəsi və su ehtiyatı ilə birbaşa əlaqəlidir.
Qeyd edək ki, müharibədən öncə molla rejimi gölə axan çayların qarşısını tam bağlamaqla gölü qurutmuşdu. Lakin müharibədən sonrakı dəyişiklik gölü müəyyən dərəcədə bərpa etdi.
