Bazar ertəsi , Noyabr 23 2026
azfa

Vəkil Zəhra Nəqşinə Təbrizdə məhkəmə çağırışından sonra həbs edilib

GADTB: Şərqi Azərbaycan Vəkillər Kollegiyasının üzvü və vəkil Zəhra Nəqşinə sentyabrın 9-da, çərşənbə günü, Təbriz Ümumi və İnqilab Prokurorluğunun 15-ci İstintaq Şöbəsinə müraciət etdikdən sonra həbs edilib.

Yayılan məlumata görə, Nəqşinə məhkəmə çağırışı aldıqdan sonra həmin şöbəyə gedib. Vəkil və hüquq müdafiəçisi Sina Yusəfinin sözlərinə görə, çağırış vərəqəsində ittiham bölməsində “cinayət xarakteri daşımır” ifadəsi qeyd edilib. İş isə Təbriz Kəşfiyyat İdarəsinin bu vəkilin hüquqi və tənqidi fəaliyyətləri və yazıları barədə hazırladığı hesabat əsasında açılıb.

Zəhra Nəqşinə vəkillik fəaliyyəti ilə yanaşı, həmkarlar ittifaqı və qadın hüquqları sahəsində də fəaliyyət göstərib. O, Vəkillər Kollegiyasının Qadınlar Komissiyasında və Qadınlara qarşı zorakılığın qarşısının alınması üzrə katiblikdə çalışıb.

Onun hazırda harada saxlanıldığı və vəziyyəti barədə ətraflı məlumat yoxdur.

Həmçinin yoxlayın

Zənganda mərhum ustad Müslüm Əsgərinin xatirəsinə “Aşıqlar axşamı” mərasimi keçirilib

GADTB: 30 aban 1405-ci il, şənbə günü Zəngan şəhərindəki Mədəniyyət Mərkəzinin Yadegar salonunda “Aşıqlar axşamı” …

Müharibədən sonra Urmiya gölünün suyunun həcmi artıb

GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə …