
GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə müqayisədə 10 dəfədən çox, gölün sahəsi isə 4 dəfədən artıq artıb.
Rəhmani gölün vəziyyətinin yaxşılaşmasına toxunaraq qeyd edib ki, bəzi tədqiqat mərkəzləri əvvəllər onun bərpasını mümkünsüz hesab edirdilər. Lakin indiki vəziyyət bu proqnozların əksini göstərir.
Bununla belə, suyun həcminin ötən illə müqayisədə artması heç də gölün davamlı şəkildə bərpa olunması demək deyil.
Güney Azərbaycan ekoloji və milli fəalları uzun illərdir İran İslam Respublikası rejimini bəndlərin tikilməsi, su ehtiyatlarının istiqamətinin dəyişdirilməsi və gölün su hüququna (ekoloji su payına) məhəl qoyulmaması yolu ilə Urmiya gölünü qəsdən qurudmaqda ittiham edirlər.
Son illərdə gölün qurudulmasına etiraz edən bir sıra azərbaycanlı fəallar həbs edilib, onların döyülməsi və işgəncələrə məruz qalması ilə bağlı məlumatlar yayılıb.
GADTB Güney Azərbaycan Demokratik Türk Birliyi