“Yaşmaq” kitablarının Təbrizdə birinci sərgisi keçiriləcək

GADTB-nin Mətbuat Mərkəzinə daxil olan məlumata görə, “Yaşmaq” türkcə kitablarının Təbriz şəhərində birinci sərgisi keçiriləcək.

Sərgi Təbrizdə Şahnaz yolunun Əhrab küçəsindəki “Mehr Amuzgar” müssisəsində, hər gün saat 10:00 dan 22:00-dək fəaliyyət göstərəcək.

Kitab sərgisində “Yaşmaq” nəşriyyatı tərəfindən çap edilən bütün kitablar nümayış etdiriləcək. Nəşriyyatda bu günədək müxtəlif sahələrdə 285 kitab nəşr olunub.

Sərgidə azərbaycan türkcəsində çap edilən kitablarla maraqlanan soydaşlarımız azərbaycanlı şair və yazıçılarla tanış olub, aldıqları kitabları müəlliflərə imzalatdıra bilərlər.

“Azərbaycan pəjühi”, “Sahir”, “Sancı” dərgiləri, “Elşən nəşri” və “Bəhmən kafesi” nəşriyyatları da sərgidə iştirak edəcək.