GADTB-nin Mətbuat Mərkəzinin əldə etdiyi məlumata görə, irqçi fars rejimin Sarabda yerləşən məhkəməsi azərbaycanlı fəalı Səhənd Məalının zaminə buraxılması üçün 30 milyon tümənlik vəsiqə təyin etsə də, fəalın zaminə buraxılmasına maneələr törədilir. Üstəlik rejimin məhkəməsinin müstəntiqi fəalın ailə üzvlərini həbslə hədələyib.
Azərbaycanlı fəal hal-hazırda qanunsuz olaraq Sarab zindanında saxlanılır.
Qeyd edək ki, iyul ayının 5-də irqçi fars rejimin təhlükəsizlik qüvvələri Sarab şəhərindən olan azərbaycanlı milli-mədəni fəal Səhənd Məalinin ata evinə hücum çəkərək onu saxlayıblar. Məmurlar məhkəmə hökmü təqdim etmədən evdə və fəalın atasının iş yerində axtarış aparıb. Məalı ailəsini təhdid edən təhlükəsizlik qüvvələri, azərbaycanlı fəala aid bir sıra şəxsi əşya, o cümlədən kompüterini özləri ilə götürüblər.