Cümə axşamı , Mart 28 2024
azfa

Ərdəbildə Azərbaycanlı fəallardan rejimə xəbərdarlıq: “Abbas Lisaninin həyatına təhlükə Azərbaycan xalqının qəzəbini oyatmaqdır”

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı milli-mədəni fəallar Ərdəbil şəhərində bir piyada keçidinin üzərindən “Abbas Lisaninin həyatına təhlükə Azərbaycan xalqının qəzəbini oyatmaqdır” yazılmış plakard asamaqla azərbaycanlı siyasi məhbusun həyatına qarşı təhlükə ilə bağlı xəbərdarlıq etmişlər.

Bu şəkildə Ərdəbil sakini olan azərbaycanlı milli-mədəni fəallar rejimin Ərdəbildəki zindanının 7-ci bölməsində həbsdə saxlanılan azərbaycanlı siyasi məhbus Abbas Lisaninin koronovirusa yoluxdurduğu və sağlamlığının təhlükəyə düşməsini diqqətə çatdıraraq ona azadlıq tələb ediblər.

Qeyd edək ki, koronavirusun zindanlarda, xüsusilə Ərdəbil zindanın yayılması və azərbaycanlı siyasi məhbusları, o cümlədən Abbas Lisaninin həyatını təhlükəyə salmasına baxmayaraq, rejimin onların müalicəsinə şərait yaratmaması Güney Azərbaycanda bu istiqamətdə etirazlara səbəb olub. Ona görə də son günlər Güney Azərbaycan şəhərlərinin əksərində milli-mədəni fəallar plakard, broşura, qrafit, divarlara yazılmış şüarlarla azərbaycanlı siyasi məhbuslara azadlıq tələb ediblər.

Hgazırda azərbaycanlı siyasi məhbuslar Abbas Lisani, Lətif Həsəni, Əlirza Fərşi, Əli Vasiqi, Rza Vasiqi, Yusif Kari və s. məhbuslar rejimin zindanında qalmaqdadır.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın