GADTB Güney Azərbaycan Demokratik Türk Birliyi
GADTB-nin mətbuat mərkəzinin yaydığı məlumata görə, İran rejiminin ayrı-seçkilik siyasəti, eləcə də bağçılıq məhsulları sahəsində mafiyanın yaradılmasına şərait yaratdığı üçün Güney Azərbaycanın müxtəlif bölgələrində bağçılar öz məhsullarını, xüsusilə alma məhsullarını sata bilmədikləri üçün yol kənarlarına tökürlər. Məlumata görə, Meşginşəhr, Marağa, Urmiya və digər bir neçə şəhərdə bəzi bağçılar meyvə ağaclarını kəsməyə məcbur olublar. Son məlumata görə isə Əhər bölgəsinin bağçıları öz məhsullarını yol kənarına tökməyə məcbur olublar.Qeyd edək ki, İran rejiminin Kənd Təsərrüfatı Nazirliyinin məqsədli şəkildə iqtisadi siyasəti nəticəsində Azərbaycan bağçıları becərdikləri almanı satmağa yer tapa bilmirlər. Bağçıların bu vəziyyətinə kəskin etirazından sonra azərbaycanlı millət vəkilləri Tehranda yerləşən alma mafiyasını bu problemin əsas günahkarı kimi ifşa edib, bu barədə kənd təsərrüfatı naziri Mahmud Höccətinin cavabdeh olduğunu qeyd ediblər.
