Ərdəbildə divarlara azərbaycanlı siyasi məhbuslara azadlıq tələbilə şüarlar yazıldı

GADTB-nin Mətbuat Mərkəzinə daxil lan məlumata görə, azərbaycanlı fəallar Ərdəbildə divarlara milli şüarlar yazıblar.

Onlar divarlara “El üçün çalışan əllər var olsun”, “Hüseyn və Araz Əməni” yazaraq, həbsdə olan milli-mədəni fəalların azadlığını tələb ediblər.

Qeyd edək ki, Hüseyn və Araz Əməni qardaşları mayın 18-də təhlükəsizlik məmurları tərəfindən həbs ediliblər. Əlaqədar dövlət qurumları onların həbs səbəbi və nədə ittiham olunduqları barədə məlumat verməkdən imtina edib.

Bu gün isə qardaşlardan biri, Araz Əməni girov qarşılığında Təbriz xəbsxanasından müvəqqəti azadlığa buraxılıb.