Ərdoğan Yunanıstana son xəbərdarlıq etdi: “Səbrimizin də sonu var”

GADTB-nin Mətbuat Mərkəzinə daxil olan məlumata görə, Türkiyə Prezidenti Rəcəb Tayyib Ərdoğan növbəti dəfə Yunanıstana xəbərdarlıq edib.

Bosniya və Herseqovinaya səfər edən Ərdoğan burada mətbuata açıqlama verib.

Yunanıstanın son zamanlar atdığı təhrikedici addımlara münasibət bildirən Ərdoğan qeyd edib ki, Türkiyənin də səbrinin sonu var:

“Bizə qarşı bu cür qeyri-qanuni təhdidlər davam etsə, səbrimizin də bir sonu var. Bax o səbrin sonu gəldiyi zaman deyirik ki, səbrin sonu salamatlıqdır. Biz də o salamatlığı gördüyümüz anda lazım olanı edərik. Bunu Yunanıstanın da bildiyinə inanıram”.