GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Sulduzda Azərbaycan şəhidlərinin məzarını ziyarət edən azərbaycanlı fəallardan Ulduz Qasimi 3 gündür aclıq aksiyasındadır. Onun və yaxalanan digər fəalların ailələri onların vəziyyətinin qeyri-müəyyən olmasından nigarandırlar.
Həbs edilən digər azərbaycanlı milli-mədəni fəal Cavad Əhmədi Yekanlının da vəziyyətindən heç bir məlumat verilmir və bu məsələ onun ailəsi ilə milli fəalların nigaranlığına səbəb olub.
Qeyd edək ki, Sulduzda tutulan 13 nəfər azərbaycanlı milli-mədəni fəallardan bəzisi müvəqqəti olaraq, mülki vəsiqə qarşılığında zaminə buraxılıb. Lakin Ulduz Qasimi, Cavad Əhmədi Yekanlı, Murad Əmmari və Əmir Səttari hələ də həbsdə saxlanılır. Onların zaminə buraxılması üçün mülki vəsiqə təyin edilsə də sərbəst buraxılmayıblar. Ulduz qasimi Urmiya zindanına, qalan fəallar isə Sulduz zindanına salınıblar.
