GADTB Güney Azərbaycan Demokratik Türk Birliyi
GADTB 28 oktyabr 2025-də Ərak şəhəri yenidən etirazlara səhnə olub. Şəhər sakinləri Mərkəzi vilayətinin valiliyi qarşısında toplaşaraq Elektrik Stansiyasında mazut yandırılmasına qarşı çıxıblar. Onlar deyiblər ki, bu qərar hər il qışda havanı zəhərləyir və insanların nəfəsini daraldır.
Etirazçılar “Təmiz hava bizim haqqımızdır” və “Mazutla ölümə yox!” kimi şüarlar yazılmış plakatlar qaldıraraq, hökumətdən zəhərli yanacaq istifadəsini dayandırmağı və illərlə verilən, lakin yerinə yetirilməyən vədlərə son qoymağı tələb ediblər.
Etirazçılardan biri deyib:
“Bu hər il təkrarlanır. Hava soyuyan kimi mazut yandırırlar, uşaqlarımız xəstələnir, məsullar isə yalnız danışırlar. Bu bacarıqsızlığın əvəzini daha nə qədər biz ödəməliyik?”
Ərak Güney Azərbaycanda ən çox çirklənmiş şəhərlərindən biri — bir daha məsuliyyətsizlik və ekoloji infrastrukturu yeniləməməyin qurbanına çevrilib.
Bugünkü etiraz təkcə Ərakın səsi deyildi; bu, insanın ən təbii haqqının – təmiz hava ilə nəfəs alma haqqının – ucalan səsi idi.
