GADTB Güney Azərbaycan Demokratik Türk Birliyi
GADTB: Bu gün Tikantəpə (Təkab) şəhərində yerləşən Zərəşuran qızıl mədəninin bir qrup işçisi müəssisənin inzibati binası önündə etiraz aksiyası keçirib.
Etirazçılar bildiriblər ki, artıq bir neçə aydır sosial haqlarını, müavinət və mükafatlarını ala bilmirlər və mədən işçiləri ilə zavod əməkdaşları arasında açıq-aydin ayrı-seçkilik mövcuddur.
Etirazçılardan biri deyib:
“Hamımız eyni müəssisədə çalışırıq, amma bizim maaş və müavinətlərimiz zavodun rəsmi işçilərinin maaşının yarısı qədərdir. Nə iş təhlükəsizliyimiz var, nə də ədalət.”
Mədən işçiləri vurğulayıblar ki, rəhbərlik və aidiyyəti qurumlar tələblərinə məhəl qoymadığı təqdirdə, etiraz aksiyalarını davam etdirəcəklər.
