Tramp administrasiyası Xark adasına nəzarəti ələ keçirmə planını nəzərdən keçirir

GADTB: ABŞ hökuməti İranı Hörmüz boğazını yenidən açmağa məcbur etmək məqsədilə Xark adası üzərində tam nəzarəti ələ keçirmək və ya adanı mühasirəyə almaq kimi ssenariləri nəzərdən keçirir.

Məlumatlı mənbələrin bildirdiyinə görə, bu planlar yüksək risk daşıyır və həyata keçiriləcəyi təqdirdə bölgədə gərginliyin əhəmiyyətli dərəcədə artmasına səbəb ola bilər. Xark adası İranın ən mühüm neft ixrac terminalı hesab olunur və ölkənin neftinin böyük hissəsinin dünya bazarlarına çıxarılmasında əsas rol oynayır.

Hesabatda qeyd olunur ki, bu variantlar enerji marşrutlarında, xüsusilə də Hörmüz boğazında yaranmış problemlərin fonunda müzakirə edilir. Həmin marşrutlarda yaranan pozuntular dünya üzrə neft və qaz qiymətlərinin artmasına səbəb olub və enerji təchizatının təhlükəsizliyi ilə bağlı narahatlıqları daha da gücləndirib.

Bildirilir ki, bu planlar ABŞ prezidenti Donald Trampın administrasiyası tərəfindən nəzərdən keçirilir.