GADTB Güney Azərbaycan Demokratik Türk Birliyi
GADTB: Azərbaycanlı fəal Abdullah Sadiqian bir həftə əvvəl saxlanılaraq Təbrizin Mərkəzi Həbsxanasına köçürülüb.
Bildirilir ki, Abdullah Sadiqiyan 1404-cü ilin dey ayında Təbriz şəhərində keçirilən etirazlar zamanı saxlanılıb və Təhlükəsizlik İdarəsində 20 gün həbsdə qaldıqdan sonra girov müqabilində azadlığa buraxılıb.
Bu mədəni fəal iki həftə əvvəl məhkəməyə çağırılıb. Ötən həftə məhkəməyə müraciət etdikdən sonra saxlanılaraq Təbrizin Mərkəzi Həbsxanasına köçürülüb.
Abdullah Sadiqiana qarşı irəli sürülən ittihamlar arasında “ölkənin təhlükəsizliyinin pozulması, təhlükəsizliyə qarşı cinayət törətmək məqsədilə toplaşma və əlbir olmaq, İran İslam Respublikası rejiminə qarşı təbliğat aparmaq, İslam müqəddəslərinə təhqir, habelə ölkənin təhlükəsizliyini pozmaq məqsədilə insanları bir-birinə qarşı müharibə və qırğına təhrik və təşviq etmək” göstərilir.
Qeyd edək ki, Abdullah Sadiqian bir iş üzrə 6 ay, digər iş üzrə isə 8 ay müddətinə azadlıqdan məhrumetmə cəzasına məhkum edilib.
