GADTB Güney Azərbaycan Demokratik Türk Birliyi
GADTB: İran Mülki Aviasiya Təşkilatının sözçüsü Tacikistana uçan İran təyyarəsinin Türkmənistan hava məkanından keçmək üçün icazə verilmədiyinə görə Tehrana geri qayıtmağa məcbur olduğunu təsdiqləyib.
Eyni zamanda, İSNA xəbər agentliyi cümə axşamı səhər saatlarından etibarən İran aviaşirkətlərinin Birləşmiş Ərəb Əmirliklərinə bütün uçuşlarının ləğv edildiyini açıqlayıb.
Məcid Əxəvan cümə axşamı, 2 Mehr tarixində, sözügedən uçuşun tarixini açıqlamadan bildirib: “Türkmənistan İran aviaşirkətlərinin öz hava məkanından keçməsinə icazə vermədiyi üçün Tehran–Düşənbə reysi təyinat məntəqəsində eniş edə bilməyib və məcbur olaraq Tehrandakı İmam Xomeyni hava limanına geri qayıdıb.”
Bununla yanaşı, İSNA xəbər agentliyi cümə axşamının əvvəlindən etibarən İran təyyarələrinin Birləşmiş Ərəb Əmirliklərinə bütün uçuşlarının ləğv edildiyini bildirib.
Bundan əvvəl sosial şəbəkələrdə təyyarənin Tehrana geri qayıtması ilə bağlı pilotun açıqlamalarının yer aldığı video yayılmışdı.
Videoda pilotun səsi eşidilir və o bildirir ki, Türkmənistan və Azərbaycan Respublikasının hava məkanından uçuş üçün icazə verilmədiyinə görə Tacikistana uçuşu davam etdirmək mümkün olmayıb və təyyarə Tehrana geri qayıdır.
ABŞ Maliyyə Nazirliyi Mehr ayının 1-dən etibarən bütün İran aviaşirkətlərini sanksiyalar siyahısına daxil edərək, dünyanın istənilən yerində İran təyyarələrinə xidmət göstərilməsini ikinci dərəcəli sanksiyalara tabe edib.
