Bazar , Noyabr 22 2026
azfa

Güney Azərbaycana Quzeydən təşəkkür: Gözəl Təbriz, sənin cavabınla fəxr edirik

GADTB-nin Mətbuat Mərkəzinə daxil olan məlumata görə, Güney Azərbaycanın irqçi fars rejim və işğalçı Ermənistana kəskin cavabı Quzey Azərbaycanda məmnunluqla qarşılanıb. Təbrizlilər və ümumiyyətlə, güneyli soydaşlarımızın Nikol Paşinyanın Tehran səfərinə və bu səfər zamanı “Ararat” idman klubunda erməni icması ilə görüşdə “Qarabağ Ermənistandır və Son” plakatının qaldırılmasına kəskin etirazlarına və aksiyalarına millət vəkili Qənirə Paşayeva münasibət bildirib.

Azərbaycanlı millət vəkili yazıb:

Ah gözəl Təbriz! Sənin hər zaman Vətənə, Azərbaycana pislik edənlərə, düşmən baxanlara, düşmənçilik edənlərə, qeyri-səmimilərə verdiyin cavablarla fəxr etmişik. Bu cavabın kimi…

İşğalçı Ermənistanın Baş naziri Paşinyanı Xocalı soyqırımının ildönümü günlərində İranda, rəsmi Tehranda isti görüşlərlə qarşılayanlara, İslam birliyindən dəm vurub 1 milyon azərbaycanlının evinə dönməsinə imkan verməyən Ermənistan rəsmiləri ilə İranda qucaqlaşanlara, dostluq nümayiş etdirənlərə, qucaq açanlara çox gözəl cavab verdin, Təbriz! Səni çox sevirik ey əziz Təbriz və “Traktor”! Sən İranda “Qarabağ ermənilərindir” kimi şüar açan ermənilərə və onun önündə selfi çəkdirib paylaşan Paşinyana da gözəl cavab verdin!

Qarabağ Azərbaycan torpağıdır və onu mütləq azad edəcəyik, bu məsələdə Bakıdan Təbrizə bütün azərbaycanlılar birlik içindədir deyərək!

Var ol Təbriz! İnşallah, Qarabağı bir millət olaraq mütləq azad edəcəyik!

 

Həmçinin yoxlayın

Zənganda mərhum ustad Müslüm Əsgərinin xatirəsinə “Aşıqlar axşamı” mərasimi keçirilib

GADTB: 30 aban 1405-ci il, şənbə günü Zəngan şəhərindəki Mədəniyyət Mərkəzinin Yadegar salonunda “Aşıqlar axşamı” …

Müharibədən sonra Urmiya gölünün suyunun həcmi artıb

GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə …

Bir cavab yazın