Soçi konqresində Suriya müxalifətini Türkiyə təmsil edəcək

GADTB-nin Mətbuat Mərkəzinə daxil olan məlumata görə, Suriya müxalifəti Soçi konqresinə qatılmamağı qərara alıb və konqresdə təmsilçilik səlahiyyətini Türkiyəyə verib.

Diplomatik mənbələrdən alınan məlumata görə, Suriya Milli Dialoq Konqresinə qatılmaq üçün Ankaradan Rusiyanın Soçi şəhərinə gedən Suriyanın müxalifət heyəti hava limanında və konqres mərkəzində rejimə aid plakat və loqolar yerləşdirilməsi səbəbindən tədbirdə iştirakdan imtina edib.

Konqresdə elan olunması gözlənilən Konstitusiya Komissiyasının yaradılması istiqamətində fəaliyyətin Türkiyə tərəfindən izlənəcəyi bildirilir. Bununla bağlı Türkiyənin xarici işlər naziri Mövlud Çavuşoğlunun rusiyalı həmkarı Sergey Lavrovla telefon danışığı olub.

Xatırladaq ki, Rusiya, Türkiyə və İran adlanan ölkənin təşkilatçılığı ilə keçirilən tədbirdə iştirak etmək üçün Soçiyə 1500-dən çox nümayəndə gəlib.