Ruslar öz qüvvələrini Qarabağda hansı məntəqələrdə yerləşəcəyinin xəritəsini yaydı

GADTB-nin Mətbuat Mərkəzinə daxil olan məlumata görə, Rusiya Müdafiə Nazirliyi Qarabağda və Laçın dəhlizində sülhməramlı qüvvələrin yerləşdiriləcəyi xəritəni dərc edib.

Hərbi missiya şimal və cənub şərti adı altında Dağlıq Qarabağın 2 bölgəsində yerləşdiriləcək.

Bundan başqa, Laçın dəhlizi üçün ayrıca xəritə hazırlanıb.

Xatırladaq ki, Azərbaycan Prezidenti, Ermənistanın baş naziri və Rusiya Prezidentinin imzaladıqları birgə Bəyanatın 3-cü bəndinə əsasən, Dağlıq Qarabağda təmas xətti və Laçın dəhlizi boyu Rusiya Federasiyasının 1960 sayda odlu silahlı hərbi qulluqçusundan, 90 hərbi zirehli texnika, 380 ədəd avtomobil və xüsusi texnikadan ibarət sülhməramlı kontingenti yerləşdirilir.