GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Tikantəpə şəhərində bir qrup azərbaycanlı milli-mədəni fəal 21 Fevral- Beynəlxalq Ana Dili Günü münasibətilə divarlara posterlər yapışdırıb.
Posterlərdə üç – türk, ingilis və fars dillərində Beynəlxalq Ana Dili Günü ilə bağlı təbrik mətni dərc olunub.
Oxşar posterlər Urmiya şəhərində də divarlara yapışdırılmışdı.
Azərbaycanlı fəallar bu yolla irqçi fars rejimin Azərbaycan türk millətinin dilində təhsili qadağan etməsini pisləmiş və Beynəlmiləl Ana Dili Gününü qutlamışlar.
Qeyd edək ki, fevralın 21-i bütün dünyada Beynəlxalq Ana Dili Günü kimi qeyd olunur. 1999-cu ilin noyabrında Banqladeş səfirinin dəstəyi ilə UNESCO tərəfindən fevralın 21-i Beynəlxalq Ana Dili Günü elan edilib.
Hazırda azərbaycanlı milli-siyasi fəallardan Əlirza Fərşi, Tohid Əmir Əmini, Behnam Şeyxi, Kiyanuş Aslani və Həmid Mənafi Beynəlxalq Ana Dili Gününündə təbrik posterləri payladıqları üçün İran rejimi tərəfindən həbsdə saxlanılırlar.
