Türkiyə Egey və Aralıq dənizlərində genişmiqyaslı hərbi təlimə başladı

GADTB-nin Mətbuat Mərkəzinə daxil olan məlumata görə, Türkiyənin Hərbi Dəniz Qüvvələri mayın 25-də Egey və Aralıq dənizinin şərqində geniş tərkibli “Dəniz canavarı-2021” (Denizkurdu-2021) adı altında hərbi təlimlərə başlayıb.

Təlimdə 25 500 şəxsi heyət, 132 gəmi, 10 sualtı qayıq, 43 təyyarə, 28 helikopter və 14 pilotsuz uçuş aparatı iştirak edir. Bu da 2021-ci ilin martında keçirilən “Mavi Vətən” təlimindən sonra Egey və Aralıq dənizinin şərqində keçirilən növbəti ən geniş tərkibli hərbi tədbirdir. Quru və hava qüvvələri ilə yanaşı, təlimdə Qızıl Aypara Cəmiyyəti və 10 ictimai təşkilatla da əməkdaşlıq ediləcək.

Tədbirin sonunda 83 hərbi gəmi Egey və Aralıq dənizinin şərqində 22 limana yan alacaq. Koronavirus tədbirləri çərçivəsində əvvəlki illərdən fərqli olaraq bu il gəmilərə vətəndaşlar buraxılmayacaq.

“Dəniz canavarı“ iyunun 5-də başa çatacaq.