GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi korona vaksini vurmadığı üçün əhali vaksin vurmaq üçün Ermənistana axın edir.
Məsələyə toxunan İranın Sərnişin Daşımaçılığı Şirkətləri Birliyinin rəisi Əhmədrza Amiri İran-Ermənistan sərhədindəki Culfa şəhərinə avtobus biletlərinə və ya birbaşa avtobus sifarişinə tələbatın artdığını bildirib.
Amiri İLNA-ya açıqlamasında deyib ki, bu tələbat Ermənistanın xarici turistləri pulsuz vaksinasiya edəcəyini bildirməsindən sonra artıb.
Amirinin sözlərinə görə, bu avtobusların gediş təyinatı Culfada Ermənistanla sınırda “Nurduz” şəhəridir və Tehrandan gedən hər avtobusda gediş biletinin qiyməti 8-10 milyon tümən arasındadır.
Onun sözlərinə görə avtobusların Ermənistana daxil olması pandemiya ilə bağlı qadağan olduğu üçün sərhəddə erməni avtobusları turistləri ölkə daxilinə daşıyır. Həmçinin sərhəd zonasına təcili yardım avtobuslarının da yerləşdirildiyi və orada vaksinasiya həyata keçirildiyi bildirilir.
