GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Güney Azərbaycandan türk izini silib, Azərbaycan həqiqətlərini təhrif etmək və Azərbaycanı kürdləşdirmək məqəsdilə tarixi türk toponimlərini dəyişdirməyə davam edir.
Son günlər rejim Xoy şəhərinə təyin etdiyi qubernatoru vasitəsilə Güney Azərbaycanın Xoy bölgəsində tarixi Kürdaşı kəndinin adını dəyişib, təhrif edərək Kürdneşin (farsca kürdlər yaşayan yer) şəklində yazmışlar.
Lakin hətta xaricdə yüz illər öncə hazırlanan xəritələrdə də həmin kəndin adı Kürdaşı kimi qeyd edilib. Misal üçün Berlindəki 1854-cü ildə hazırlanmış Kipertin xəritəsində, eləcə də 1860-cı ildə hazırlanmış “Kaspické moře” xəritəsində həmin kəndin adı latin hərfləri ilə Kürdaşı şəklində yazılmışdır.
Göründüyü kimi İranın Antiazərbaycan rejimi Azərbaycandan türk izini silib və bölgəni kürdləşdirməklə Azərbaycanda yeni “Kürdüstan” yaratmağı qarşıya məqsəd qoyub.
