GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün İran və Cənubi Azərbaycan şəhərlərində müəllimlərin və təqaüdə çıxmış təhsil işçilərinin geniş etiraz aksiyaları yenidən başlayıb.
İran Təhsil İşçiləri Koordinasiya Şurasının yanvarın 26-da yayınlanan növbəti çağırışından sonra bir çox şəhərlərdə müəllimlər dərsi dayandırıb.
Etiraz edən müəllimlər aldıqları maaşla dolana bilmədiklərinə toxunaraq, əllərində yazılı plakatlar qaldırıb, hökumətin onların problemlərinə biganə yanaşdığını bildiriblər.
Müəllimlər bununla yanaşı rütbələndirmə qanununun icra olunmasını və təqaüdlərin ödənilməsini tələb ediblər.
Tətil edənlər həmçinin işləyən müəllimlərin rütbələndirməsi barədə qərarın 80%-nin tam tətbiq edilməsini, təqaüddə olan müəllimlərin maaşlarının bərabərləşdirilməsini və digər tələblərinin yerinə yetirilməsini istəyirlər.
Qeyd edək ki, bu müəllimlərin son aylarda beşinci ümumi etiraz və tətilidir.
