Mövlud Çavuşoğlu: Türkiyə Montrö Konvensiyasının müddəalarını tətbiq edəcək

GADTB-nin Mətbuat Mərkəzinə daxil olan məlumata görə, Türkiyə Montrö Konvensiyasının bütün müddəalarını tətbiq edəcək. Bunu Türkiyə xarici işlər naziri Mövlud Çavuşoğlu bildirib.

Çavuşoğlu Ukraynadakı vəziyyətin “müharibə”yə çevrildiyini qeyd edərək, ölkəsinin Montrö Konvensiyasının bütün müddəalarını şəffaf şəkildə tətbiq edəcəyini vurğulayıb: “Montrö Konvensiyasının 19-cu maddəsi kifayət qədər aydındır. Başlanğıcda bu Rusiyanın hücumu idi. Tərəfımizdən ekspertlər, hərbçilər, hüquqşünaslarla dəyərləndirdi (və qərara gəlindi ki) bu artıq müharibəyə çevrilib. Bu hərbi əməliyyat deyil, rəsmi olaraq müharibə şəraitidir. Belə olan halda hər bir tərəf üçün Montrö razılaşmasını tətbiq edirik”.

Qeyd edək ki, Montrö Konvensiyası savaş zamanı Türkiyənin müharibədə iştirak edən ölkələrin hərbi gəmiləri üçün boğazları bağlaması hüququnu da ehtiva edir.