Bazar , Noyabr 22 2026
azfa

Tanınmış türkoloq Hüseyn Məhəmmədzadə Düzgün Təbrizdə dəfn edildi-Video

GADTB-nin Mətbuat Mərkəzinə daxil olan məlumata görə, bu gün tanınmış türkoloq alim Hüseyn Məhəmmədzadə Sədiqin (Düzgün) Təbrizdə dəfn mərasimi keçirilib.

Azərbaycanlı alim Təbrizin “Vadi rəhmət” qəbristanlığında dəfn edilib.

Avqustun 25-də tanınmış alim, dilçi və türkoloq Hüseyn Məhəmmədzadə Sədiqin (Düzgün) cənazəsi Tehrandan Təbrizə gətirilərək burada dəfn edilib.

Böyük alim “Vadi rəhmət” qəbristanlığının fəxri bölməsində torpağa tapışırılıb.

Alimin dəfn mərasiminə Tehran, Urmiya, Zəngan, Ərdəbil və başqa Güney Azərbaycan şəhərlərdən çox sayda insanın qatılıb.

Dəfn mərasimində iştirrak edənlər azərbaycalı alimin məzarı başında xorla “Azərbaycan” və “Ayrılıq” mahnılarını ifa ediblər.

Qeyd edək ki, 1945-ci ildə Təbrizdə anadan olan Hüseyn Məhəmmədzadə Sədiq müxtəlif dövrlərdə siyasi, ədəbi və ictimai fəaliyyətlə məşğul olub.

O, 1979-cu il inqilabından sonra müxtəlif ədəbi nəşrlərin, o cümlədən türkcə buraxılan “Yoldaş” dərgisinin baş redaktoru olub.

İnqilabın ilk illərindən sonra ağır siyasi başqılar nəticəsində Hüseyn Düzgün siyasi fəaliyyətlərini dayandırıb və ədəbi-mədəni fəaliyyətlərlə məşğul olub.

Hüseyn Məhəmmədzadə Sədiq Tehranda türk dilinin öyrədilməsi üçün kurslar açıb, çox sayda gənc və yeniyetmənin ana dilini öyrənməsində böyük rolu olub.

Azərbaycanlı alim həmçinin Kaşğarlı Mahmudun “Divani Lüğat-it Türk” əsərini tərcümə edib.

O həmçinin Füzulinin və Azərbaycanın onlarla klasik şairinin əsərlərini nəşrə hazırlamışdı. 

Özbəkisatn dövləti azərbaycanlı alimə türk dili və ədəbiyyatı və ümumiyyət türkologiya sahəsindəki araşdırmalarına görə “Əmir Əlişir Nəvayi” mükafatını vermişdir.

Həmçinin yoxlayın

Zənganda mərhum ustad Müslüm Əsgərinin xatirəsinə “Aşıqlar axşamı” mərasimi keçirilib

GADTB: 30 aban 1405-ci il, şənbə günü Zəngan şəhərindəki Mədəniyyət Mərkəzinin Yadegar salonunda “Aşıqlar axşamı” …

Müharibədən sonra Urmiya gölünün suyunun həcmi artıb

GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə …