GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın Germi və Biləsuvar bölgələrində baş verən daşğın nəticəsində həyatını itirənlərin sayı artıb.
Ərdəbil əyalətinin Qızıl Aypara Cəmiyyətinin yaydığı məlumata görə, iyunun 14-ü axşam saatlarında güclü yağışdan sonra baş verən sel nəticəsində ölənlərin sayı 7 nəfərə çatıb.
Meyitləri tapılan təbii fəlakət qurbanlarının dördünün 7,8,12 və 13 yaşlı qız uşaqları olduğu bildirilib.
Bununla yanaşı bölgə əhalisinə külli miqdarda xəsarət dəyib, yüzlərlə mal-heyvan tələf olub, yollar, elektrik xətləri və su kəmərləri dağılıb.
Hazırda Germi-Biləsuvar yolu bağlanıb, nəqliyyatın hərəkətinin mümkün olmadığı üçün adı çəkilən bölgələrdə içməli su və ərzaq çatışmazlığı yaranıb.
