Molla rejimi Təbrizdə bəzi yerlərdə elektrik enerjisinin verilişini dayandırıb

GADTB-nin Mətbuat Mərkəzinə daxil olan məlumata görə, Təbrizin bir çox bölgələrində elektrik enerjisinin kəsilməsi halları çoxalıb.

Elektrik enerjisində kəsintilərin olması səbəbindən Təbriz hava limanının fəaliyyətində problemlər yaranıb, Təbriz-İstanbul uçuşu bir saat gecikib.

Bununla yanaşı, avqustun 23-ü gecə saatlarından başlayaraq bir neçə bölgədə, o cümlədən, on minlərlə ailənin məskunlaşdığı Əndişə şəhərciyinə elektrik enerjisinin verilişi dayandırılıb.

Qeyd edək ki, Təbrizin əksər bölgələrində 3 həftədən çoxdur içməli suyun verilişində də problemlər yaşanır.