ABŞ Türkiyədən vermədiyi “F-35” qırıcıları üçün pul istəyir

GADTB: ABŞ Dövlət Departamentinin Konqresə göndərdiyi xarici hərbi satışlarla bağlı bildirişdə Türkiyəyə satılacaq sistemlər barədə təfərrüatlar yer alıb. Bu barədə “Aydınlıq” qəzeti yazıb.

Belə ki, ABŞ Rusiyadan “S-400” zenit-raket komplekslərinin alınması səbəbindən Türkiyəyə verilməyən “F-35” qırıcılarının saxlanılması üçün Ankaradan ödəniş almaq istəyir.

Bundan əvvəl ABŞ dövlət katibinin siyasi məsələlər üzrə müavini Viktoriya Nuland CNN Türk-ə müsahibəsində “S-400” zenit-raket kompleksi ilə bağlı məsələnin həll ediləcəyi təqdirdə Ankaranın “F-35” proqramına qaytarılmasının mümkün olduğunu demişdi.

Xatırladaq ki, Türkiyə 2019-cu ildə “S-400” aldıqdan sonra “F-35” proqramından çıxarılıb.