Molla rejimi azərbaycanlı milli fəalı məhkəməyə çağırıb

GADTB-nin Mətbuat Mərkəzinə daxil lan məlumata görə, irqçi fars-molla rejimi azərbaycanlı milli fəalı və rəqqas Peyman İbrahimini məhkəməyə çağırıb.

Azərbaycanlı fəal öz “İnstaqram” hesabından bu barədə məlumat verərək, Apellyasiya Məhkəməsinə çağırıldığını açıqlayıb.

Qeyd edək ki, 2023-cü il avqustun 26-da atasının evində mülki geyimli 15 nəfər tərəfindən həbs edilən Peyman İbrahimi iki aydan çox həbsdə qaldıqdan sonra zaminə buraxılmışdı.

Azərbaycanlı milli fəalın məhkəməsi 2023-cü il 11 və 13 dekabr tarixlərində keçirilmişdi. O, “dövlət quruluşu əleyhinə təbliğat aparmaq” və “rəhbəri (Xameneyini) təhqir etmək”də ittiham edilərək 22 ay 17 gün həbs cəzasına məhkum edilmişdi.