ABŞ F-35 təyyarələri ilə bağlı Türkiyəyə qəribə şərtlər irəli sürür

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının Müdafiə Sənayesi İdarəsinin rəhbəri İsmayıl Dəmir F-35 problemi ilə bağlı danışarkən deyib ki, F-35 mühərrikləri üçün ABŞ-dan kənarda yeganə texniki xidmət, təmir və montaj müəssisəsi Türkiyədə qurulacaqdı.

“Həmin sistemlə bağlı danışıqlar davam edərkən, amerikalılardan yeni şərt ortaya çıxdı. Bildirdilər ki, qurğuları hazırlayarkən xüsusi bölmə düzəldəcəksiniz və qəfəslə bağlanacaq. Oraya ABŞ vətəndaşı yerləşdirəcəyik. Mühərrikin materialları olan bölməyə daxil olmayacaqsınız və heç nəyə toxunmayacaqsınız. Hətta radarın görünməməsini təmin edən boya dəyişdirilərkən yerdə qalan tullantılara da toxunmayacaqdıq. Onlar həmin tullantıları belə ABŞ-a aparacaqdılar”, – İ.Dəmir bildirib.