GADTB Güney Azərbaycan Demokratik Türk Birliyi
GADTB: ABŞ ordusu İran istiqamətində hərəkət edən bir neft tankerini Hellfire raketi ilə hədəfə aldığını və onun hərəkətinin dayandırıldığını açıqlayıb.
ABŞ Mərkəzi Komandanlığının (CENTCOM) yaydığı bəyanata görə, ABŞ qüvvələri çərşənbə axşamı Botsvana bayrağı altında üzən “M/T Lexi” adlı neft tankerini İrana qarşı tətbiq olunan dəniz mühasirəsi çərçivəsində hədəfə alıblar.
CENTCOM-un iddiasına əsasən, gəmi 24 saat ərzində ABŞ qüvvələrinin xəbərdarlıqlarına və göstərişlərinə məhəl qoymayıb. Nəticədə ABŞ hərbi təyyarəsi Hellfire raketi ilə gəminin mühərrik bölməsini vuraraq onun hərəkətini dayandırıb.
ABŞ Mərkəzi Komandanlığı bildirib ki, bu əməliyyat tankerinin İrana çatmasının qarşısını alıb. ABŞ ordusu həmçinin qeyd edib ki, aprelin 13-də İrana qarşı dəniz mühasirəsinin başlanmasından bəri altı gəminin hərəkəti dayandırılıb, İran limanlarına daxil olmaq və ya oradan çıxmaq istəyən 122 digər gəminin isə marşrutu dəyişdirilib.
