ABŞ Nyu-Yorkda İran nümayəndə heyətinə məhdudiyyətlər tətbiq edəcəyini deyir

GADTB: ABŞ Dövlət Departamenti bu ay BMT Baş Assambleyasının Nyu-Yorkda keçiriləcək iclasında iştirak edəcək İran nümayəndə heyətinə qarşı yeni məhdudiyyətləri tətbiq etməyi nəzərdən keçirir.

“Associated Press”in məlumatına görə, Dövlət Departamentinə aid sənədə istinadla bildirilib ki, gözlənilən dəyişikliklər çərçivəsində İran nümayəndə heyətinin Nyu-York şəhərindən kənara çıxmasına və bəzi kommersiya obyektlərinə, xüsusilə də topdansatış mağazalarına daxil olmasına qadağa qoyula bilər.

Sözügedən məhdudiyyətlər arasında “Casco” və “Sams Club” kimi Amerikanın tanınmış topdansatış şəbəkələrindən alış-veriş etmək imkanının ləğvi də yer alır.

“Associated Press”in məlumatına görə, bu mağazalar uzun illərdir İran diplomatlarının əsas alış-veriş məkanlarından biri olub.