GADTB Güney Azərbaycan Demokratik Türk Birliyi
GADTB: Adı açıqlanmayan ABŞ rəsmisi prezident Donald Trump-ın İranın son təqdim etdiyi təklifdən narazı olduğunu bildirib.
Mənbənin sözlərinə görə, narazılığın əsas səbəbi təklifdə İranın nüvə proqramına dair konkret məsələlərin əks olunmamasıdır.
Bundan əvvəl Ağ Evin sözçüsü də təsdiqləmişdi ki, Tramp və onun müşavirləri İranın təqdim etdiyi planı nəzərdən keçiriblər.
Məlumata görə, bəzi iranlı və regional rəsmilər yeni təklifin Hörmüz boğazının dərhal açılması, nüvə danışıqlarının müharibənin sonuna qədər təxirə salınması və İran limanlarına tətbiq olunan dəniz blokadasının aradan qaldırılmasını nəzərdə tutduğunu iddia ediblər.
Donald Tramp isə daha əvvəl xəbərdarlıq edərək bildirib ki, İranın nüvə proqramından imtina edilməsini açıq şəkildə ehtiva etməyən heç bir təklifi qəbul etməyəcək.
Eyni zamanda, Pakistan mənbələri Tehran və Vaşinqton arasında vasitəçilik səylərinin fasiləsiz davam etdiyini vurğulayır.
Digər tərəfdən, şənbə günü Trampın xüsusi nümayəndəsi Stiv Vitkof və kürəkəni Cared Kuşnerin Pakistan səfərinin ləğv edilməsindən sonra sülh danışıqlarının bərpasına dair ümidlərin azaldığı qeyd olunur.
