GADTB Güney Azərbaycan Demokratik Türk Birliyi
GADTB: “Vol Strit Jurnal” ın yazdığına görə, Amerika Birləşmiş Ştatları ilə İran 14 iyun tarixində müharibəyə son qoyulması ilə bağlı memorandum üzərində razılığa gəliblər və sənədin 19 iyunda rəsmi şəkildə imzalanacağı gözlənilir.
Razılaşmanın tam mətni hələ ictimaiyyətə açıqlanmayıb. Məlumatlara əsasən, ABŞ və İran tərəfləri sənədin bəzi müddəalarını fərqli şəkildə şərh edirlər. Bu isə razılaşmanın icrasını və növbəti mərhələdə aparılacaq danışıqları çətinləşdirə bilər.
İran İnqilab Keşikçiləri Korpusuna (SEPAH) yaxın media orqanları bildiriblər ki, İran razılaşmanın öz şərhini əsas götürməli və ABŞ-ın təqdim etdiyi şərhləri qəbul etməməlidir. Həmin media qurumları İranın sənədi öz anlayışına uyğun şəkildə həyata keçirməsinin vacibliyini vurğulayıblar.
Müşahidəçilərin fikrincə, bu mövqe ABŞ və İran arasında razılaşmanın bəzi maddələrinin mahiyyəti ilə bağlı fərqli baxışların mövcud olduğunu göstərir və gələcəkdə tərəflər arasında əlavə fikir ayrılıqlarına səbəb ola bilər.
