GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Azad İran”a istinadən yaydığı məlumata görə, Amerika xarici işlər naziri Antoni Blinken diplomatiyanın uğursuz olduğu halda Vaşınqtonun başqa yollara əl atacağını deyib.
Blinken dekabrın 3-də verdiyi açıqlamasında əlavə edib: “Atom anlaşması üzrə müzakirələrin yeddinci mərhələsi dayandırılıb. Çünki, İran atom anlaşması qarşısında qarşılıqlı öhdəliklərini yerinə yetirməkdə “ciddi” görünmür”.
O, “Reuters” ajansına bildirib: “Amerika icazə verməyəcək ki, İran danışıqlarda vaxt qazanaraq atom proqramını inkişaf etdirsin. Diplomatiya uğursuz olacağı halda, Amerika başqa variantlara əl atacaq”.
“İki gün öncə şahidi olduq ki, İran anlaşmanın qarşılıqlı öhdəliklərinə qayıtmağın zəruri olması ilə bağlı ciddi deyil. Buna görə də, biz Vyanada atom danışıqlarının yeddinci mərhələsini dayandırdıq”, – deyə Blinken vurğulayıb.
