GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Qoşaçay şəhərində azərbaycanlı fəallar Urmiya gölünün qurudulmasına etiraz olaraq divarlara etirazı əks etdirən posterlər yapışdırıblar.
Azərbaycanlı fəallar dekabrın 3-də Güney Azərbaycanın Qoşaçay şəhərində küçələr və ictimai yerlərdə çox sayda posterlər yayıblar.
Bu yolla azərbaycanlı fəallar İran rejiminin qurutduğu gölün bərpasına laqeyd yanaşmasına etiraz ediblər.
Yayılan poosterlərin üzərində Urmiya gölünün acınacaqlı durumuna diqqət yönəltmək üçün “Urmu gölü susuzdu, millət oyanmasa uduzdu” şüarı yazılmışdır.
Qeyd edək ki, Güney Azərbaycanın Kərəc, Təbriz, Ərdəbil, Zəngan Urmiya və s. şəhərlərində son günlərdə oxşar etiraz aksiyaları keçirilib.
