GADTB Güney Azərbaycan Demokratik Türk Birliyi
GADTB: Yayılan məlumata əsasən, daha çox Aşıq Əli Yekanlı kimi tanınan sənətkar mərhum Aşıq Əli Abidinin dəfn mərasimi bu gün keçiriləcək.
Mərasim saat 12:00-da Urmiyanın Bağe Rizvan qəbiristanlığında baş tutacaq.
Aşıq Əli Abidi Azərbaycan aşıq musiqisinin tanınmış simalarından, Urmiya aşıq məktəbinin uzun illər fəaliyyət göstərən şair və saz ustalarından biri idi. O, yol-nəqliyyat hadisəsi nəticəsində aldığı xəsarətlərə görə bir müddət xəstəxanada müalicə aldıqdan sonra vəfat edib.
Aşıq Əli Yekanlı kimi tanınan sənətkar Urmiya İmam Xəstəxanasında dünyasını dəyişib.
O, bir müddət əvvəl Urmiya–Salmas avtomobil yolunda baş vermiş yol qəzasında yaralanmış və müalicə üçün xəstəxanaya yerləşdirilmişdi.
Aşıq Əli Yekanlı Urmiya aşıq məktəbinin tanınmış şairlərindən, saz ifaçılarından biri hesab olunurdu. Onun yaradıcılığı Azərbaycan mədəniyyəti və aşıq musiqisi sevərləri arasında xüsusi dəyərə malik idi.
Bu sənətkarın vəfatı Azərbaycan musiqisi və mədəniyyətinin sevərləri arasında dərin hüznlə qarşılanıb.
Ruhu şad, xatirəsi əziz olsun.
