Çərşənbə , Fevral 12 2025
azfa

Azərbaycan qəhrəmanlarının məzarı Təbrizə köçürüləcək

GADTB-nin Mətbuat Mərkəzinə daxil olan məlumata görə, Güney Azərbaycan qəhrəmanları olan Məşrutə İnqilabının başçısı Milli Sərdar Səttarxanın və Şeyx Məhəmməd Xiyabanı məzarları Tehrandan Təbrizə köçürüləcək. Bu barədə Təbriz Şəhər Şurasının üzvü Qulamhüseyn Məsudi Reyhan çərşənbə günü açıqlama verib.

Məsudi Reyhan deyib: “Səttarxan və Şeyx Məhəmməd Xiyabanı Azərbaycanın tarixi şəxsiyyətləridir. Onların məzarının Təbrizə köçürülməsi ilə bağlı müəyyən işlər görülüb. Bələdiyyə İdarəsi bunun üçün cari ildə xüsusi büdcə də nəzərdə tutub və mən özüm şəxsən bu məsələni gündəmdə saxlayıram”.

Təbriz Şəhər Şurasının müavini Sonya Əndiş də Qulamhüseyn Məsudi Reyhanın sözlərinin təsdiqində deyib ki, “məqbərə tikmək və büdcə vəsaiti ayırmadan əvvəl bu işin hüquqi, qanuni və şəriət məsələləri aydınlaşıb və öz həllini tapmalıdır. Bundan sonra Bələdiyyə İdarəsi məzarların köçürülməsi və məqbərə tikmək üçün hərəkətə keçməlidir. İstənilən halda cari ildə tarixi şəxsiyyətlərimizin anılması ilə bağlı xüsusi büdcə vəsaiti nəzərdə tutulub”.

Qeyd edək ki, irqçi fars rejimi Azərbaycanın tarixi şəxsiyyətləri olan Səttarxanın məzarlarına Səttarxanın və Şeyx Məhəmməd Xiyabanı Tehranda məzarlarına qarşı laqeyd yanaşır. Məzarlar baxımsız vəziyyətdədir və bu məsələ Azərbaycan türk millətini narahat edir.

Həmçinin yoxlayın

Urmiya zindanında həbsdə olan azərbaycanlı siyasi fəal aclıq aksiyasını davam edir

GADTB-nin Mətbuat Mərkəzinə daxil olan məlumata görə, İranın Beheşti Univetsitetinin Kompüter Elmləri Fakültəsinin magistr tələbəsi …

İran mediası Azərbaycanda talış dilinin zəifləməsi bəhanəsi ilə ölkənin daxili işlərinə qarışır

GADTB: IRNA xəbər verir ki, “Azərbaycanın talış dilinin qrammatikası və şimal ləhcəsi” adlı kitabın iranlı …

Bir cavab yazın