Çərşənbə axşamı , May 17 2022
azfa

Azərbaycanlı fəallar Azərbaycan kəndlərinin əsil adlarını qaytarmağa çalışır

GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəalları Təbriz bölgəsində iki Azərbaycan kəndilinin əsil adlarının qaytarılması tələbilə, həmin kəndlərin təhrif edilmiş formada yazılmış lövhəsini qaraladılar.

Bu məqsədlə mayın 12-də azərbaycanlı fəallar kənd və yer adlarının farscaya dəyişdirilməsinə etiraz olaraq “Aşağı Gumana” və “Yuxarı Gumana” kənd adlarının təhrif edilərək “Komanec-i Sofla” və “Komanec-i Olya” yazılan lövhələrin üzərində hər iki kəndin qədim əsil türk adlarını yazıblar.

Qeyd edək ki, İran rejimi Güney Azərbaycanı farslaşdırıb məhv etmək məqsədilə Azərbaycanda türk yer adlarını təhrif edərək farslaşdırıb. Bu isə haqlı olaraq Azərbaycan türklərinin etirazı ilə qarşılaşıb.

Azərbaycanlı fəallar müxtəlif formalarda Pəhləvi dövründən başlayan və hazırkı rejim dövründə davam etdirilən farslaşdırma siyasətinə qarşı etirazlarını bildirirlər.

Bundan öncə isə azərbaycanlı fəallar Xiyav və Germi bölgələrində oxşar aksiyalarla təhrif edilmiş yer adlarının qaytarılmasını tələb etmişdilər.

Həmçinin yoxlayın

Enerji və tranzit: Tehran-İrəvan əməkdaşlığının ən mühüm sahələri

GADTB-nin Mətbuat Mərkəzinin “Azad İrana” istinadən yaydığı məlumata görə, İran Ermənistanla əlaqələri və əməkdaşlığını gücləndirir. …

Azərbaycan türkcəsini məhv edən İrandan məktəblərdə “fars dilini qoruma zəngi”-Video

GADTB-nin Mətbuat Mərkəzinə daxil olan məlumata görə, 40 milyondan çox türkün dilini qadağan edib, məhvə …