GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ömrünün son illərini Urmiya şəhərində yaşayan Ənzəli şəhərində dünyaya göz açan məşhur müğənni azərbaycanlı müğənni Hüşəng Azəroğlu 2019-cu il iyunun 19-da vəfat edib.
Hüşəng Azəroğlu musiqidən əlavə özünü aktyorluq və peşəkar idmanda da sınayıb və musiqi sahəsində olduğu kimi böyük uğurlar əldə edib. İran milli komandasında güləşən Azəroğlu dövrün dünya çempionu Qulamrza Təxti, İmaməli Həbibi, Abdulla Müvəhhid və s. kimi güclü güləşçilərlə rəqabət aparıb.
O Güney Azərbaycandan Türkiyədə musiqi üzrə “Qızıl Kəpənək” mükafatına layiq görülən birinci sənətkardır.
O 1938-ci ildə Ənzəli şəhərində doğulduğunu bildirib. Yeniyetmə yaşlarında Tehrana gedən sənətkar sonralar İstanbul şəhərində məskunlaşıb.
İlk müəllimlərinin Vəli Vahid, Məşədi Səlamət, sonralar isə Mustafa Payan olduğunu bildirən Azəroğlu Bakı radiosunu özünün ən böyük müəllimi adlandırıb.
