GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün cümə dekabr ayının 22-də prof.dr. Məhəmmədtağı Zehtabinin şübhəli vəfatının 19-cu ildönümü münasibəti ilə çox sayda azərbaycanlı milli-mədəni fəal prof.dr. Zehtabinin məzarı başına toplaşıblar. Güney Azərbaycanın müxtəlif şəhərlərindən Şəbistərdə mərhumun məzarı başına toplaşan fəalar prof.dr. Zehtabini ehtiramla anıblar.
Azərbaycanlı fəallar prof.dr. Zehtabini vəfatının ildönümü münasibətilə Güney Azərbaycanın milli himnini oxumuş və dr. Zehtabinin məzarına gül qoymuşlar. Prof.dr. Zehtabinin xatirəsini ehtiramla anan azərbaycanlı fəallar, onun yolunun davam edəcəyinə təkid ediblər.
Qeyd edək ki, prof.dr. Zehtabinin məzarı Şəbistər şəhərində yerləşir. Dr. Zehtabi 1998-ci ildə Almaniya səfərindən sonra İran adlanan ölkənin təhlükəsizlik qüvvələri tərəfindən yaxalanmış və nəhayət öz evində şübhəli şəkildə vəfat etmişdir. Bədənində göyərti və izlər onun zəncivarı qətllər dövründə rejimin təhlükəsizlik qüvvələri tərəfindən şəhid edildiyini sübut edir.
