Rejimin müstəmləkəçi siyasəti nəticəsində Ərdəbildə adam başına düşən gəlir ən aşağı səviyyədədir

GADTB-nin Mətbuat Mərkəzinə daxil olan məlumata görə, İran adlanan ölkənin müsətmləkəçi və ayrı-seçkilik siyasəti nəticəsində Ərdəbildə adam başına düşən gəlir bütün ölkə üzrə adam başına düşən gəlirdən azdır. Bu barədə Ərəbil Şəhər Şurasının üzvü Yaqub Əzizzadə açəıqlama verib.

Yaqub Əzizzadə qeyd edib ki, Ərdəbilə ayrılan dövlət büdcəsi hesabına vilayəti inkişaf etdirmək mümkün deyil. Ona görə də özəl sektorun sərmayəsi cəzb edilməlidir. Əzizi həmçinin qeyd edib ki, Ərdəbil vilayətinin Azərbaycan Respublikası ilə 380 km ortaq sərhədi olsa da, vilayətdə ixracat arzu olunan səviyyədə deyildir.

Qeyd edək ki, İran adlanan ölkənin uzun müddətli müstəmləkəçi və ayrı-seçkilik siyasəti nəticəsində Ərdəbil vilayəti kimi yüksək potensiala malik olan bölgə tədrici geriləyib. İşsizlik, yoxsulluq və məcburiyyət üzündən fars vilayətlərinə köçmə kütləvi hal alıb.