Azərbaycan gələn il Qarabağın bərpasına 2,2 milyard manat xərcləyəcək

GADTB-nin Mətbuat Mərkəzinə daxil olan məlumata görə, Azərbaycanda gələn ilin dövlət büdcəsindən işğaldan azad olunmuş ərazilərin yenidən qurulması və bərpası üçün ayrılan vəsaitin məbləği məlum olub.

Bu, Azərbaycanın “2022-ci il dövlət büdcəsi haqqında” qanun layihəsində əksini tapıb.

Belə ki, işğaldan azad olunmuş ərazilərin yenidən qurulması və bərpası üçün gələn ilin dövlət büdcəsindən 2,2 milyard manat vəsait ayrılıb.