Azərbaycan qırıcı təyyarı və yeni silahlar üçün 1,6 milyardlıq saziş imzaladı

GADTB-nin Mətbuat Mərkəzinə daxil olan məlumata görə, Azərbaycan Hərbi Hava Qüvvələri ilə Pakistan Aeronavtika Kompleksi arasında Pakistan tarixində bu tipli ən böyük müqavilə olacaq sənəd imzalanıb.

Bu barədə “Air Operations Syndicate” məlumat yayıb.

“Müqavilə Azərbaycanın JF-17C Blok-III qırıcılarının, həmçinin reaktiv təyyarələr üçün təlim və döyüş ləvazimatlarının alınmasını nəzərdə tutur. Müqavilənin dəyəri 1,6 milyard dolları həcmində qiymətləndirilir. JF-17 “4+” nəsil qırıcı hesab olunur, lakin beşinci nəsil avionika və silahlardan istifadə edir. Qırıcı aşağı əməliyyat xərcləri və minimal texniki xidmət tələbləri ilə hazırlanıb. Bu da böyük bir təyyarə parkını yerləşdirməyə və onların yüksək döyüş hazırlığını saxlamağa imkan verir”, – məlumatda deyilir.